COMO FUNCIONA O NOSO CEREBRO. NEUROEDUCACIÓN

Co permiso de Quevedo e o seu famoso satírico soneto que comeza coa frase “Érase un hombre a una nariz pegado” hoxe comezamos ca nosa propia versión:

“Érase un simio a un móvil pegado,
érase una adicción superlativa,
érase un pulgar para ok y escriba,
érase un meme viral tiktokeado;”

Como poderías intuír xa, hoxe imos falar da relación que temos coa tecnoloxía e as súas implicacións no noso cerebro. Especialmente no relativo á educación: Neuroeducación.

Escoitarías falar de que a relación que ten usar o móbil previamente ao sono empeora de maneira salientable o descanso e por tanto todas os beneficios derivados do bo sono son maiormente privados. Podes atopar máis información neste artigo de Johns Hopkins University.

Tamén é cada vez máis coñecido o feito do comportamento adictivo que xera. Os investigadores descubriron que o uso prolongado dos móbiles está relacionado coa reactividade aos sinais nas persoas, o que estimula unha resposta neurolóxica gratificante no cerebro, o que xera así mesmo adicción ao seu uso. Cando por exemplo, perder o móbil provócanos ansiedade, ou o chequeamos cada minuto debemos de darnos conta que temos unha adicción. Evidentemente esta adicción, ao igual que todas as adiccións, ten moitas repercusións no noso estado de ánimo, conduta, interacción social, etc., que van influír na nosa vida diaria de maneira negativa. Podes saber máis respecto diso neste artigo de Sciencedirect.

De todo isto, desde o seu punto de vista médico psiquiatrico e neurolóxico fálanos Marian Rojas-Estapé. Marian reflexiona sobre as repercusións que isto ten no desenvolvemento neuronal dos/as máis novos/as. Fala dun aumento do TDH nos nenos e nenas que está ligado parcialmente ao uso non controlado das pantallas dos dispositivos electrónicos. Fálanos tamén de como esa dependencia xerada ao uso das pantallas e incapacidade de prestar atención sen distraerse, ten consecuencias graves no desenvolvemento neuronal dos/as nenos/as. Sendo estas consecuencias máis grandes sobre todo nesas fases de desenvolvemento temperán nas cales a cortiza prefrontal do cerebro está en desenvolvemento. Esta parte do cerebro é a encargada do control de estímulos e regula o noso comportamento.

Aquí deixámosche a charla para que saques as túas propias conclusións.

En VermisLAB somos moi conscientes aínda que sempre cunha visión crítica de toda a información que poda chegarnos, parécenos tremendamente útil compartir cos/as nosos/as lectores/as esta información para así ser conscientes do uso destas ferramentas como tablets, móbiles e computadores, que son tan útiles, pero ao mesmo tempo son unha arma de dobre fío.

Como con case todo na vida, non todo é branco ou negro. O uso excesivo se o é, o importante, dende o noso punto de vista é ser conscientes do uso que lle estamos dando e saber como e cando usar estas ferramentas tecnolóxicas para que non sexan prexudiciais.

Por todo isto é que realizamos sempre formacións que combinan diferentes maneiras de pensar e interactuar coa tecnoloxía, desenvolvemos actividades completamente analóxicas, actividades que potencien o contacto humano a través do traballo en equipo, o pensamento crítico e a creatividade en actividades manuais e de experimentación con materiais.
Traballamos a intelixencia emocional, o autocontrol ou a tolerancia á frustración transversalmente de maneira máis intensa que calquera capacidade técnica tecnolóxica dos nosos/as alumnos/as.

Xa para terminar, a aprendizaxe que queremos deixar é poder quedarnos coa reflexión persoal para así, ser máis conscientes no día a día dos impactos que este mundo tan cambiante ten en nós mesmos e nos que máis queremos.

Despídome pedindo desculpas de antemán ós/ás mestres/as da linguaxe polo meu intento poético. Esa linguaxe que nos permite desenvolver pensamentos que nos fan viaxar simplemente pechando os ollos, pero abrindo a mellor pantalla de todas, a nosa mente creativa.

“Espero hayas ya pensado
que ni todo, ni que nada,
que ni Góngora, ni Quevedo,
es la receta recomendada”